Kompaniya haqida

BS gazobeton – O‘zbekiston bozorida yuqori sifatli gazobeton mahsulotlarini ishlab chiqaruvchi yetakchi kompaniyalardan biridir. Ishlab chiqarish zavodi Sirdaryo viloyatida joylashgan. Bizning maqsadimiz qurilish industriyasiga innovatsion, ekologik toza va mustahkam qurilish materiallarini taqdim etishdir.

Bizning tariximiz

BS gazobeton kompaniyasi o‘z faoliyatini 2023-yil boshida boshlagan. Hozirga qadar qurilish materiallari sohasida yuqori sifat va innovatsiya tamoyillariga amal qilib kelmoqda. Qurilishdagi uzoq yillik tajriba esa ushbu industriyada muvaffaqiyatli bo'lishga yordam berdi. Biz o‘z mijozlarimizga zamonaviy texnologiyalar asosida ishlab chiqarilgan yuqori sifatli gazobeton mahsulotlarini taklif qilamiz.

Missiyamiz va qadriyatlarimiz

Bizning asosiy maqsadimiz – O‘zbekiston va O'rta Osiyo davlatlari uchun yuqori sifatli, ekologik xavfsiz va energiya tejamkor qurilish materiallari bilan ta’minlash. Ishlab chiqarish jarayonimizda zamonaviy texnologiyalar va qat’iy sifat nazorati tizimiga tayangan holda, mijozlarimizga ishonchli va uzoq muddat xizmat qiluvchi mahsulotlarni yetkazib beramiz.

Ishlab chiqarish haqida

BS gazobeton zamonaviy ishlab chiqarish zavodiga ega bo‘lib, eng ilg‘or texnologiyalar va yuqori sifat standartlariga javob beruvchi uskunalar bilan jihozlangan. Ishlab chiqarish liniyasi Yevropaning Aircrete kompaniyasi tomonidan yo'lga qo'yilgan. Ishlab chiqarish quvvati yiliga 450 000 kubometrni tashkil qiladi. Ushbu texnologiyalarga hamohang ravishda ishlab chiqarishda eng sifatli xom ashyolardan foydalanamiz va mahsulotlarimizni xalqaro standartlarga mos ravishda tayyorlaymiz.